Անցկացված քննչական գործողությունների արդյունքում պարզվել է, որ Խորավայի փողոցում հայտնաբերված մկրատը պատկանում էր դեպքի վայր գնացած շտապ օգնության բրիգադին, որը նրանք մոռացել էին դեպքի վայրում՝ համապատասխան օգնություն ցուցաբերելուց հետո,- այս մասին հայտարարել է Թբիլիսիի դատախազ Մալխազ Կապանաձեն՝ գլխավոր դատախազությունում անցկացված մամլո ասուլիսին:

«Դեպքի վայրն ուսումնասիրելուց հետո հայտնաբերվել են գործի հետ կապված տարբեր իրեր՝ ընդհանուր 22 օբյեկտ: Այդ թվում ամենակարևոր ապացույցը մեղադրյալ Գ.Ջ.-ի դանակն էր՝ արյան բծով: Հիշատակված դանակը ենթարկվել է փորձաքննության և պարզվել է, որ դանակի վրա եղել է սպանված Դ.Ս.-ի և մեղադրյալ Գ.Ջ.-ի ԴՆԹ-ն: Պարզվել է, որ այդ դանակով մեղադրյալ Գ.Ջ.-ն սպանվածին հասցրել է մի քանի վիրավորում:

Հայտնաբերվել է նաև բժշկական մկրատ: Անցկացված քննչական գործողություններով պարզվել է, որ մկրատը պատկանում էր դեպքի վայր ժամանած շտապ օգնության բրիգադին, որը նրանք մոռացել էին դեպքի վայրում՝ համապատասխան օգնություն ցուցաբերելուց հետո»,- հայտարարել է դատախազը: