«Միացյալ ազգային շարժման» Քութաիսիի քաղաքապետի թեկնածու Խատիա Դեկանոիձեի խոսքով, Քութաիսիի 14-րդ ընտրատեղամասում դիտորդները բացահայտել են «Վրացական երազանք» կուսակցության համակարգողների կողմից ընտրողներին գումար բաժանելու փաստը։ Նրա խոսքով, «Վրացական երազանքի» համակարգողներն ու հանձնաժողովի անդամները լրագրողի նկատմամբ բռնություն են գործել:

Միաժամանակ, ինչպես նշել է Դեկանոիձեն, 124 ընտրատեղամասերում գրասեղանային և պատի ընտրացուցակները չեն համընկնում, և բողոք կգրվի։

Քաղաքապետի թեկնածուի խոսքով, 57 ընտրատեղամասում քվեարկել է չարտոնված անձը։

Ինչպես նշել է Դեկանոիձեն, 121 ընտրատեղամասերում շարժական քվեատուփի մի քանի մարդկանց ինքնությունը չի համընկնում, ինչն էլ հիմք է հանդիսանում բողոքի։

Քաղաքապետի թեկնածուն դիմում է քաղաքապետարանին և ՊԱԾ-ին՝ անհապաղ վերադարձնել Քութաիսիի քաղաքապետարանի մաքրման ծառայության 400 աշխատակցի նույնականացման քարտերը։ Նրա խոսքով, «Վրացական երազանք» կուսակցությունը առգրավել է նրանց նույնականացման քարտերը։