Վրաստանը պետք է ունենա անկախ արդարադատության համակարգ, անկախ դատավորներ, ես շնորհակալ եմ մեր գործընկերներին այս ճանապարհին իրենց հավատարմության համար, և այս քննչական հանձնաժողովը կլինի հենց այդպիսին,- ճեպազրույցում ասել է ընդդիմադիր պատգամավոր Խատիա Դեկանոիձեն։

Ինչպես հայտարարել է Խատիա Դեկանոիձեն ընդդիմադիր պատգամավորների հետ համատեղ կայացած ճեպազրույցում, քննչական հանձնաժողովի աջակցությունը փորձություն կլինի բոլոր ընդդիմադիր պատգամավորների համար։

«Սա շատ կարևոր է, քանի որ Վրաստանի եվրաինտեգրման ճանապարհին, թեկնածուի կարգավիճակ ստանալու գլխավոր խոչընդոտը արդարադատության համակարգն է, ինչի մասին Վենետիկի հանձնաժողովը, Եվրոպական խորհուրդը, Եվրամիությունը, իսկ այժմ մեր ամերիկացի գործընկերները շատ բացահայտ խոսում են և ասում: Այդ իսկ պատճառով Վրաստանը պետք է ունենա անկախ արդարադատության համակարգ, անկախ դատավորներ, և դրա համար մենք շնորհակալություն ենք հայտնում մեր գործընկերներին այս ճանապարհի համար, այս ճանապարհին իրենց հավատարմության համար, և այս հետաքննող հանձնաժողովը կլինի հենց այս ճանապարհի հավատարմության համար»,- ասել է Դեկանոիձեն։

Ընդդիմադիր պատգամավորները հանդես են գալիս նախաձեռնությամբ, որ արդեն գրանցված քննչական հանձնաժողովի հարցը պետք է դրվի քվեարկության, դրա համար դիմում են Վրաստանի նախագահին՝ արտահերթ նիստ հրավիրելու համար։