Խատիա Դեկանոիձե. Վրաստանը չունի հստակ քաղաքական առաջնորդ, ինչը լավ է կոալիցիոն կառավարության համար
«Վրաստանը չունի հստակ քաղաքական առաջնորդ, սա լավ է կոալիցիոն կառավարության համար»,- այս մասին ասել է ընդդիմադիր պատգամավոր Խատիա Դեկանոիձեն։
Նրա խոսքով, ամենակարևորը, որ Վրաստանի քաղաքացիները ընտրություն կատարեն հոկտեմբերի 26-ին։
«Ես Դավիթ Սաղվարելիձեի հայտարարությունը չեմ լսել, բայց ինձ համար ամենակարեւորն այն է, որ հոկտեմբերի 26-ին Վրաստանի քաղաքացիներն արտահայտեն իրենց ընտրությունը, եւ այդ ընտրությունը պետք է առաջնորդի յուրաքանչյուր քաղաքացի։ Ինչ վերաբերում է քաղաքական առաջնորդներին, ապա այժմ Վրաստանը չունի հստակ քաղաքական առաջնորդ, սա լավ է կոալիցիոն կառավարության համար, ուստի, կարծում եմ, շատ կարևոր է, որ բոլորը հասկանան, որ յուրաքանչյուր քաղաքացու ներգրավվածությունն անհրաժեշտ է»,- ասել է Խատիա Դեկանոիձեն։
Վրաստանի և Ուկրաինայի գլխավոր դատախազների նախկին տեղակալ Դավիթ Սաղվարելիձեն ուկրաինական լրատվամիջոցների հետ զրույցում ասել է, որ վրաց հասարակությունը սպասում է վրացի Զելենսկու հայտնվելուն, և դա կարող է տեղի ունենալ մոտ ապագայում։