Մեր տվյալներով՝ Մերձավոր Արևելքի տարածաշրջանում գտնվում է Վրաստանի 170-180 քաղաքացի, մենք հույս ունենք առաջիկա ժամերին կոնկրետ որոշում կայացնել հաջորդ հատուկ չվերթի վերաբերյալ,- ասել է Վրաստանի արտաքին գործերի փոխնախարար Խաթունա Թոթլաձեն։

Նրա խոսքով՝ ընթացակարգերը ընթացքի մեջ են, որոնց արդյունքում հանրությունը պաշտոնապես կտեղեկացվի մեկ այլ լրացուցիչ հատուկ չվերթի կոնկրետ օրվա և ժամի մասին։

«Վրաստանի կառավարության որոշմամբ Մերձավոր Արևելքի տարածաշրջանից արդեն իրականացվել է երեք հատուկ չվերթ։ Երկու հատուկ չվերթ իրականացվել է Օմանի Սուլթանությունից, մեկը՝ Սաուդյան Արաբիայից։ Վրաստանի ավելի քան 500 քաղաքացի արդեն անվտանգ վերադարձել է հայրենիք։ Ինչ վերաբերում է հաջորդ չվերթներին, իհարկե, մենք աշխատում ենք դրա վրա, ընթանում են ընթացակարգեր, որոնց արդյունքում մենք պաշտոնապես կտեղեկացնենք հանրությանը ևս մեկ լրացուցիչ հատուկ չվերթի իրականացման կոնկրետ օրվա և ժամի մասին։ Ինչպես գիտեք, մենք կոչ ենք անում քաղաքացիներին հնարավորինս շուտ կապ հաստատել Վրաստանի դեսպանատների հետ և գրանցվել դեսպանատներում, որպեսզի պատկերացում և թիվ ունենանք, թե քանի քաղաքացի ունի պետական ​​օգնության կարիք։ Այս պահին Մերձավոր Արևելքի տարածաշրջանում գտնվում է մոտավորապես 170-180 Վրաստանի քաղաքացի։ Մենք մեծ հույս ունենք, որ առաջիկա ժամերին կունենանք հաջորդ չվերթի վերաբերյալ կոնկրետ որոշում», – ասել է Խաթունա Թոթլաձեն։