Ընդդիմադիր պատգամավոր Խաթունա Սամնիձեի կարծիքով՝ շատ վատ է, երբ հրապարակավ քննարկվում են «Ազգային շարժման» ներքին խնդրահարույց հարցեր։

Ըստ Սամնիձեի, դա «Վրացական երազանքին» պատրվակ է տալիս ընդդիմադիր ամենամեծ կուսակցություններից մեկին ծաղրելու։

Միաժամանակ Խաթունա Սամնիձեն ասում է, որ «Ազգային շարժման» կողմնակիցները պետք է գնահատեն Վանո Մերաբիշվիլիի՝ քաղաքականություն վերադառնալու և կուսակցությունում նրա ակտիվացման հարցը։

«Մերաբիշվիլին կրել է իր պատիժը, նա այժմ ազատության մեջ է։ Չգիտեմ, թե նա որքանով կզբաղվի հանրային քաղաքականությամբ։ Նրա գործունեությունը պետք է գնահատեն կուսակցության անդամներն ու համակիրները։ Հանրային քաղաքականության մեջ նրա հայտնվելուց և հայտարարություններից հետո քաղաքական գործիչները կունենան կոնկրետ արձագանքներ և գնահատականներ։ Վանո Մերաբիշվիլին կրել է պատիժը և կարծես թե ակտիվ է ներկուսակցական հարցերում։ Նա դեռևս չի հայտնվում հանրային քաղաքականության մեջ և հրապարակային դիրքորոշում չի հայտնել»,- ասել է Խաթունա Սամնիձեն։