Խարկովի մարզում ռուսական հրթիռային հարվածի հետևանքով տասը մարդ է զոհվել

Խարկովի մարզում ռուսական հրթիռային հարվածի հետևանքով տասը մարդ է զոհվել։ Այս մասին տեղեկությունը տարածում են ուկրաինական ԶԼՄ-ները։

Խարկովի մարզի նահանգապետ Օլեգ Սինեգուբովի խոսքով՝ հարձակման հետևանքով ևս ութ մարդ վիրավորվել է։

Տարածված տեղեկությունների համաձայն՝ հարձակման հետևանքով վնասվել է մոտ 10 մասնավոր տուն, ինչպես նաև սրճարան, փոստատուն, խանութ և առնվազն 7 մեքենա։

Ռուսական բանակի հարձակման թիրախ է դարձել նաև Ուկրաինայի Չեռնիգովի մարզը։ Ուկրաինայի արտակարգ իրավիճակների պետական ծառայությունը հայտնել է, որ Չեռնիգովի մարզի Կորյուկովկայի rayon-ում (շրջանում) անօդաչու թռչող սարքի հարվածից հետո երկու շենքում հրդեհ է բռնկվել։ Հարձակման հետևանքով վնասվել են նաև վերամբարձ կրան և պահեստ։