Սպիտակ տունը սկսել է ծրագրել ԱՄՆ նախագահ Ջո Բայդենի և Չինաստանի նախագահ Սի Ցզինպինի հանդիպումը, որը կկայանա նոյեմբերին Սան Ֆրանցիսկոյում,- գրում է «Washington Post»-ը՝ վկայակոչելով ամերիկացի բարձրաստիճան պաշտոնյաներին։

Ինչպես գրում է հրատարակությունը, հանդիպման նպատակն է փորձել կայունացնել երկու երկրների հարաբերությունները։

ԱՄՆ նախագահի վարչակազմի բարձրաստիճան պաշտոնյաներից մեկը հրապարակմանը հայտնել է, որ Բայդենը անհամբեր սպասում է Սի Ցզինպինի հետ հանդիպմանը, թեև նա ասել է, որ «ոչինչ դեռ հաստատված չէ»։

Սպիտակ տան պաշտոնյաներն ասում են, որ պլանը կամրանա, երբ Չինաստանի արտաքին գործերի նախարար Վան Յին առաջիկա շաբաթներին այցելի Վաշինգտոն:

Եթե ​​Չինաստանի և ԱՄՆ-ի առաջնորդները հանդիպեն, դա կլինի նրանց առաջին հանդիպումը 2022 թվականի նոյեմբերի Մեծ քսանյակի գագաթնաժողովից հետո։