Երեք ամերիկյան F-15 կործանիչներ խփվել են Քուվեյթի ռազմաօդային ուժերի F/A-18 կործանիչի կողմից մարտի 2-ին։

Այս մասին գրում է ամերիկյան Wall Street Journal հրատարակությունը։

Wall Street Journal-ի տվյալներով՝ օդաչուն երեք հրթիռ է արձակել ամերիկյան ինքնաթիռների վրա և խփել երեքն էլ։

Անձնակազմի վեց անդամները կարողացել են կատապուլտվել, և նրանց առողջությանը վտանգ չի սպառնում։

Դեպքը տեղի է ունեցել այն բանից հետո, երբ մի քանի իրանական անօդաչու թռչող սարքեր կարողացել են ճեղքել Քուվեյթի հակաօդային պաշտպանության համակարգը։ Մեկ անօդաչու թռչող սարքը հարվածել է Քուվեյթի նավահանգստում գտնվող ժամանակավոր գործողությունների կենտրոնին։

Արդյունքում ամերիկացի զինծառայողները զոհվել են։

ԱՄՆ կենտրոնական հրամանատարությունը չի մեկնաբանել միջադեպը։ Նրանք հայտնել են, որ քննություն է ընթանում։