Երբ Ուկրաինան որոշեց ինտեգրվել Եվրամիությանը, խոսեց զարգացման հեռանկարների մասին, բայց նրա արտադրանքի մուտքը եվրոպական շուկաներ արգելվեց։ Նույնը սպասում է նաև Հայաստանին,- ասաց Ռուսաստանի Պետդումայի նախագահ Վյաչեսլավ Վոլոդինը։

«Նույնը տեղի ունեցավ նաև Ուկրաինայում։ Եվրամիությանը ինտեգրվելու որոշում կայացնելիս նրանք խոսեցին մեկ բանի մասին, այդ թվում՝ զարգացման հեռանկարների։ Փաստորեն, պարզվեց, որ ուկրաինական գյուղատնտեսական արտադրանքը, ըստ էության, արգելվեց եվրոպական շուկաներում՝ խիստ և անբարենպաստ սակագնային քվոտաներով։ Նույնը սպասում է նաև Հայաստանին», – նշեց Վոլոդինը։

Ռուսաստանի օրենսդիր մարմնի ղեկավարի խոսքով՝ Հայաստանի վարչապետ Նիկոլ Փաշինյանին չի հետաքրքրում ո՛չ հայ ժողովրդի ճակատագիրը, ո՛չ էլ երկրի պետականությունը, և Եվրամիությանը միանալու գինը բարձր կլինի։

«Փաշինյանն օգտագործում է Եվրասիական տնտեսական միությունը՝ Եվրամիությանը միանալու համար։ Նա փորձում է լուծել իր բոլոր խնդիրները Եվրասիական տնտեսական միության, առաջին հերթին՝ Ռուսաստանի հաշվին», – նշեց Վյաչեսլավ Վոլոդինը։