Վրաստանում ժամը 10:00-ի դրությամբ ընտրողների ակտիվությունը 7,38 տոկոս է

11:56, 30.10.2021

Կենտրոնական ընտրական հանձնաժողովի տվյալներով, Վրաստանում ընտրողների ակտիվությունը ժամը 10:00-ի դրությամբ կազմում է 7,38%, ինչը կազմում է 154 163 ընտրող։

Ըստ շրջանների, ամենաբարձր ակտիվությունը Ռաճա-Լեչխումիում է և կազմում է 9,2%։ Ամենացածր ակտիվությունը 5,1% է Մցխեթա-Մթիանեթում։

Ինչ վերաբերում է մայրաքաղաքին, ապա ԿԸՀ-ի տվյալներով, մասնակցությունը կազմել է 7,4%, որը կազմում է 74 527 ընտրող։

Մայրաքաղաքում ամենաբարձր ակտիվությունը Գլդանի թաղամասում է, որտեղ արդեն քվեարկել է գրանցված ընտրողների 7,8%-ը։ Ամենացածր ակտիվությունը 6,8% է Իսանիում։

Ինքնակառավարման մարմինների ընտրությունների երկրորդ փուլի համար ամբողջ երկրում կա 1 830 ընտրատեղամաս՝ ընդհանուր 2 088 722 ընտրողով։

Հեղինակ - Anna Badalian

Քաղաքական