Վրաստանում Եվրամիության դիտորդական առաքելությունը նոր ղեկավար ունի։
Եվրոպական միության խորհրդի կայքում տեղադրված հաղորդագրությունների համաձայն՝ Խորհուրդը Եվրամիության դիտորդական առաքելության նոր ղեկավար է նշանակել հույն դիվանագետ Դիմիտրիոս Կարաբալիսին։
Կարաբալիսը Հունաստանի արտաքին գործերի նախարարությունում զբաղեցրել է Ռուսաստանի, Ուկրաինայի, Մոլդովայի, Հարավային Կովկասի և Կենտրոնական Ասիայի դեպարտամենտի տնօրենի պաշտոնը։
Դիտորդական առաքելության նոր ղեկավարն իր մանդատը կսկսի իրականացնել 2023 թվականի փետրվարի 1-ից։ Կարաբալիսին նշանակելու որոշումը կայացրել է Քաղաքական և անվտանգության հանձնաժողովը։