Վարչապետ Իրակլի Ղարիբաշվիլիի որոշմամբ՝ բոլոր ուկրաինացի զբոսաշրջիկները, ովքեր չեն կարող վերադառնալ իրենց հայրենիք, անվճար կհանգրվանեն Վրաստանի հյուրանոցներում,- «Facebook»-ի իր պաշտոնական էջում գրել է Վրաստանում Ուկրաինայի դեսպանությունը։

Դեսպանատան տվյալներով՝ Ուկրաինայի շուրջ 200 քաղաքացու արդեն օգնություն է ցուցաբերվել, իսկ զբոսաշրջության վարչությունում գործարկվել է անվճար թեժ գիծ՝ ուկրաինացի զբոսաշրջիկներին օգնելու համար։

«Վարչապետի որոշմամբ՝ բոլոր ուկրաինացի զբոսաշրջիկները, ովքեր չեն կարող վերադառնալ հայրենիք, անվճար մնում են Վրաստանի հյուրանոցներում։ Զբոսաշրջության ազգային վարչությունը ուկրաինացի զբոսաշրջիկներին առաջարկել է անվճար հյուրանոցային կացություն՝ մասնավոր հատվածի աջակցությամբ։ Ուկրաինայի շուրջ 200 քաղաքացու արդեն օգնություն է ցուցաբերվել։ Ուկրաինացի զբոսաշրջիկներին աջակցելու համար զբոսաշրջության վարչությունում ստեղծվել է անվճար թեժ գիծ՝ 0 800 800 909 #StandWithUkraine»,- ասվում է դեսպանատան հաղորդագրության մեջ։