Վրաստանում Թուրքիայի դեսպան. Ողջունում ենք Սև ծովում երկար տարիներ անց գազի նոր հանքավայրի հայտնաբերումը, որը տարածաշրջանը կդարձնի ավելի ինքնաբավ, դա օգուտ կբերի նաև Վրաստանին
Թուրքիան բնական գազի խոշորագույն ներկրողն է տարածաշրջանում: Թե՛ խողովակաշարերով, թե՛ հեղուկ գազով Ամերիկայից: Իհարկե, մեզ էներգոռեսուրսներ են պետք՝ զարգացումը շարունակելու համար, և, հետևաբար, մենք ողջունում ենք նոր հանքավայրի հայտնաբերումը երկար տարիներ անց, – ասաց Վրաստանում Թուրքիայի դեսպան Ֆաթմա Ջերեն Յազգանը:
«Թուրքիայի կառավարությունը հետևողական էներգետիկ քաղաքականություն ունի: Մի կողմից, մենք զարգացնում ենք վերականգնվող էներգիայի աղբյուրները, իսկ մյուս կողմից՝ յուրացնում ենք մեր տարածքում գտնվող գազի ռեսուրսները: Կարծում եմ, որ տարածաշրջանը որքան կայուն և ինքնաբավ լինի, այնքան դա կազդի տնտեսության զարգացման վրա և օգուտ կբերի նաև Վրաստանին», – ասաց դեսպանը:
Թուրքիայի նախագահ Ռեջեփ Թայիփ Էրդողանը հայտարարել է, որ Սեւ ծովում հայտնաբերվել է 135 միլիարդ խորանարդ մետր բնական գազ: Տեղեկատվությունը տարածում են թուրքական լրատվամիջոցները: Թուրքիայի նախագահի խոսքով, ծովից դեպի ցամաք բնական գազի մատակարարումը կիրականացվի երեք փուլով: