Վրաստանի զբոսաշրջության ազգային վարչության տվյալներով, Թայլանդից այցելուների քանակն ավելացել է 1231 տոկոսով: Եթե 2018 թվականի նոյեմբերին Ասիական երկրներից Վրաստան էր ժամանել 145 քաղաքացի, ապա ընթացիկ տարվա նոյեմբերին այդ ցուցանիշը հասել է 1930-ի:

Հունվար-նոյեմբերին Թայլանդից Վրաստան է այցելել 10 011 քաղաքացի, որը նախորդ տարվա 11 ամիսների ցուցանիշից ավել է 234 տոկոսով:

Բացի այդ, դեկտեմբերի վերջին «Thai AirAsia X» թայլանդական ավիաընկերությունը սկսում է Վրաստանի ուղղությամբ իրականացնել ուղիղ ավիաչվերթներ: Բանգկոկ-Թբիլիսի-Բանգկոկ ավիաչվերթներն իրականացվելու են 2019-2020 թվականներին ձմռան սեզոնի ընթացքում, մասնավորապես, դեկտեմբերի 25, 27-28, 29-ին և հունվարի 1, 2 և 6-ին (6 չվերթ): Ավիաչվերթներն իրականացնելու է «Airbus A330» օդանավը: