Վրաստանում տարեկան գնաճը սեպտեմբերին կազմել է 5.6 տոկոս
Ազգային վիճակագրական ծառայության տվյալներով՝ 2026 թվականի սեպտեմբերին Վրաստանում գնաճի մակարդակը նախորդ ամսվա համեմատ կազմել է 0.4 տոկոս, իսկ տարեկան գնաճի մակարդակը՝ 5.6 տոկոս։
Ինչ վերաբերում է հիմնական գնաճին, ապա այս ցուցանիշը 2026 թվականի սեպտեմբերին նախորդ տարվա համապատասխան ժամանակահատվածի համեմատ կազմել է 3.7 տոկոս, մինչդեռ ծխախոտի բացառմամբ տարեկան հիմնական գնաճի մակարդակը որոշվել է 3.5 տոկոս։
«Ամսական գնաճի մակարդակի ձևավորմանը հիմնականում ազդել են հետևյալ խմբերի գնային փոփոխությունները. Տրանսպորտ. խմբում գները աճել են 2.9 տոկոսով, ինչը արտացոլվել է ամսական գնաճի մեջ 0.36 տոկոսային կետով: Անձնական տրանսպորտային միջոցների շահագործման (4.2 տոկոս), տրանսպորտային միջոցների ձեռքբերման (0.4 տոկոս) և տրանսպորտային ծառայությունների (0.4 տոկոս) գները աճել են. Առողջապահություն. տվյալ ժամանակահատվածում գները աճել են 2.8 տոկոսով, ինչը արտացոլվել է ընդհանուր գնաճի մեջ 0.22 տոկոսային կետով: Գները հիմնականում աճել են ամբուլատոր բժշկական ծառայությունների (9.1 տոկոս) գծով. Կրթություն. խմբում գները նվազել են 12.2 տոկոսով, ինչը արտացոլվել է ամսական գնաճի մեջ -0.51 տոկոսային կետով: Խմբում գները նվազել են բարձրագույն կրթության (-32.9 տոկոս) գծով: Բացի այդ, գները աճել են ենթախմբերում՝ միջնակարգ կրթություն (7.0 տոկոս), նախադպրոցական և տարրական կրթություն (5.8 տոկոս) և «Չճշտված կրթություն» (4.6 տոկոս)»,- նշվում Ազգային վիճակագրական ծառայության զեկույցում: