Միջազգային կանոնավոր ավիաչվերթների իրականացման սահմանափակումը երկարաձգվել է և գործում է մինչև 2020 թվականի սեպտեմբերի 30-ը ներառյալ: Այս մասին նշված է քաղաքացիական ավիացիայի գործակալության տեղեկության մեջ:

Նրանց փոխանցմամբ, միջազգային կանոնավոր ավիաչվերթների իրականացման սահմանափակումը չի վերաբերում Թբիլիսիի և Մյունհենի (Գերմանիա), Փարիզի (Ֆրանսիա) և Ռիգայի (Լատվիա) օդանավակայանների միջև չվերթներին:

«Եթե Վրաստանում և վերոնշյալ երկրներում չսրվի համաճարակային վիճակը, ապա «Lufthansa», «AirFrance» և «airBaltic» ավիաընկերությունները չվերթները կկատարեն սահմանված չվացուցակով:

Այլ ուղղությամբ կանոնավոր չվերթների աստիճանաբար վերականգնման մասին որոշումը կկայացվի համաճարակային վիճակից ելնելով»,- հայտարարում են գործակալությունում:

Կանոնավոր և չարտերային չվերթների նորացված չվացուցակը հասանելի է «http://www.gcaa.ge/geo/tbilisiout.php?fbclid=IwAR1Y49WS3VKLuCJPX66l5UFFIqOnlw4Kj_Oq6A6mBjgiDCEHnxGNth7z5WI» հղումով: