Վրաստանում կորոնավիրուսի պատվաստման համար գրանցվել է 8 490 մարդ

13:30, 26.03.2021

Booking.moh.gov.ge հատուկ կայքէջում գրանցել է կորոնավիրուսի դեմ պատվաստվել ցանկացող 8490 մարդ, այդ թվում՝ 6000 մարդ, ովքեր ցանկանում են պատվաստվել «Pfizer»-ով:

Այս փուլում Վրաստանում պատվաստվել է ընդհանուր 4 281 մարդ: Ըստ այդմ, անցյալ մեկ օրվա ընթացքում պատվաստվել է 129 մարդ:

Հիշեցնենք, որ երեկ 65 տարեկանից բարձր քաղաքացիներին հնարավորություն է ընձեռվում գրանցվել կայքէջում բժշկական անձնակազմի հետ միասին, իսկ պատվաստանյութերի սյունակում ժամը 18:00-ից արդեն կա «Pfizer»-ի և «Աստրազենեկա»-ի պատվաստանյութերի միջև ընտրություն կատարելու հնարավորություն:

«Աստրազենեկայով» պատվաստումը երկրում արդեն ընթացքի մեջ է, իսկ գրանցված քաղաքացիները մարտի 30-ից կկարողանան պատվաստվել «Pfizer»-ով:

Հեղինակ - Anna Badalian

COVID-19

Հասարակական