Վրաստանում կորոնավիրուսի դեմ պատվաստումը հասանելի կլինի միայն բազմապրոֆիլ կլինիկաներում
Վրաստանի առողջապահության փոխնախարար Թամար Գաբունիայի խոսքով, կորոնավիրուսի դեմ պատվաստանյութով պատվաստումը հասանելի կլինի միայն բազմապրոֆիլ կլինիկաներում:
Ինչպես նշել է Թամար Գաբունիան, տեղի է ունեցել շատ ցավալի դեպք, այնուամենայնիվ, ակնկալվող շահի համեմատ, պատվաստումների ընթացքում ռիսկերը զգալիորեն փոքր են:
«Մենք նաև հասկանում ենք բարձր ռիսկերը, որոնց բախվում ենք համաճարակային գործընթացի հետ կապված և պատվաստումների ծրագրի սպասվող շահը: Երեկ պատվաստումների փորձագետների խորհուրդը որոշեց շարունակել պատվաստումների ծրագիրը՝ հիմնվելով եվրոպական կարգավորիչի եզրակացության վրա, որն աջակցում է «Աստրազենեկա» պատվաստումների շարունակմանը՝ կապված այն բանի հետ, որ «Աստրազենեկայի» ֆոնի վրա կողմնակի բարդություններ կան, բայց ռիսկերը զգալիորեն փոքր են»,- հայտարարել է Գաբունիան:
Նրա խոսքով, պատվաստումների գործընթացը կշարունակվի:
Ըստ Գաբունիայի, պատվաստումների ծրագրում առավելագույն անվտանգությունն ապահովելու համար, փորձագետների հանձնարարականով, նախարարությունը և Հիվանդությունների վերահսկման կենտրոնը որոշել են շարունակել պատվաստման գործընթացը «Աստրազենեկայի» դեպքում, քանի որ այն պատրաստվել էր «Pfizer» պատվաստանյութի համար, բազմապրոֆիլ ստացիոնարների մակարդակով:
«Երեկ մեզ ցույց տվեց դեպքը, չնայած բոլոր միջամտությունները ճշգրիտ էին կատարված և տեղափոխման համար ոչ մի րոպե չէինք կորցրել, քանի որ կար վերակենդանացման բաժանմունք, բայց հաշվի առնելով ռիսկերը, անաֆիլակտիկ ռեակցիան տեսականորեն հնարավոր է և կապված է պատվաստման գործընթացի հետ, ամեն դեպքում անվտանգ է շարունակել այս գործընթացը բազմապրոֆիլ կլինիկաներում: Այսպիսով, այսօր մեր գործընկերների կողմից ամբուլատոր հաստատություններում կատարված բոլոր ամրագրումները փոխվել են և դրանք կվերաբաշխվեն բազմապրոֆիլ կլինիկաներում: Կան 40 կլինիկաներ, որոնք ունեն վերակենդանացման բաժանմունք, և բացի ամբուլատոր և ստացիոնար բոլոր պայմաններից, կա նաև վերակենդանացման բաժանմունք, որը երաշխավորում է, որ միջամտությունը ժամանակին կլինի», – ասաց Գաբունիան: