Վրաստանում իր աշխատանքն է վերսկսել միջքաղաքային տրանսպորտը (ֆոտոշարք)
13:15, 08.06.2020
Այսօրվանից Վրաստանում իր աշխատանքն է վերսկսել միջքաղաքային տրանսպորտը: Փոխադրումը թույլատրվում է միջքաղաքային միկրոավտոբուսներով և ավտոբուսներով:
Միջքաղաքային տրանսպորտում քաղաքացիները պարտավոր են դիմակ կրել և հետևել անհրաժեշտ նորմերին:
Միևնույն ժամանակ, «Դիդուբե» ավտոկայարանում տեղադրվել են դեզոբարիերներ, որտեղ ուղևորները մինչ տրանսպորտ նստելը անցնում են համապատասխան ընթացակարգերով:
Ինչ վերաբերում է երկաթուղային երթևեկությանը, ապա ուղևորափոխադրումները կվերսկսվեն հունիսի 15-ին:
Վրաստանում միջքաղաքային տրանսպորտի բոլոր տեսակների, այդ թվում գնացքների երթևեկությունը դադարեցվել էր մարտի 24-ին:
