Մեծ հաճույքով հաշվի կառնեմ վարչապետ Գիորգի Գախարիայի կոչը և երկարատև արձակուրդ կանցկացնեմ Վրաստանում,- այս մասին հայտարարել է Վրաստանում Գերմանիայի դեսպան Հուբերտ Քնիրշը Լոպոտայի լճի հարակից տարածքում, որտեղ Վրաստանի վարչապետը հանդիպում է անցկացրել դիվանագիտական կորպուսի ներկայացուցիչների հետ:

«Մեծ հաճույքով հաշվի կառնեմ վարչապետ Գիորգի Գախարիայի կոչը և երկարատև արձակուրդ կանցկացնեմ Վրաստանում: Ընտանիքիս հետ հանգստյան օրերին այցելում էինք Վրաստանի տարբեր անկյուններ: Ցանկանում եմ շնորհավորել վրաց ժողովրդին, այս ճգնաժամին այսպես ամուր դիմակայելու համար, դա ցույց է տալիս, թե ինչպիսի ժողովուրդ եք»,- հայտարարել է Վրաստանում Գերմանիայի դեսպան Հուբերտ Քնիրշը:

Վրաստանի վարչապետ Գիորգի Գախարիան Վրաստանում հավատարմագրված դեսպաններին շնորհակալություն է հայտնել աջակցության և օգնության համար: