Վրաստանում Բրազիլիայի Դաշնային Հանրապետության նորանշանակ դեսպան Օսվալդո Բիատո Ջունիորը հավատարմագրերի պատճենը հանձնեց արտաքին գործերի նախարարի առաջին տեղակալ Վախտանգ Մախարոբլիշվիլիին:

Արտաքին գործերի նախարարության հաղորդմամբ, արարողությունից հետո տեղի է ունեցել ներածական հանդիպում: Կողմերը քննարկել են երկկողմ համագործակցության արդի խնդիրները և հարաբերությունների խորացման հեռանկարները:

Հանդիպման ընթացքում քննարկվել են երկկողմ քաղաքական երկխոսության դրական դինամիկան և այս տարի քաղաքական խորհրդակցությունների հերթական փուլի անցկացման նպատակահարմարությունը: Խոսելով երկկողմ համագործակցության հարցերի շուրջ՝ շեշտը դրվեց առևտրատնտեսական հարաբերությունների հետագա զարգացման հեռանկարների վրա և ընդգծվեց ներուժի լիարժեք օգտագործման անհրաժեշտությունը: Հանդիպմանը գոհունակությամբ նշվեց միջազգային կազմակերպությունների շրջանակներում երկու երկրների միջև հաստատված դրական համագործակցությունը և ցանկություն հայտնվեց շարունակել սերտ համակարգումը այդ կապակցությամբ:

Բրազիլիայի դեսպանը վերահաստատեց Բրազիլիայի Դաշնային Հանրապետության անսասան աջակցությունը Վրաստանի ինքնիշխանությանը և տարածքային ամբողջականությանը՝ միջազգայնորեն ճանաչված սահմաններում: Նախարարի առաջին տեղակալը հաջողություն մաղթեց և պատշաճ աջակցություն հայտնեց դեսպանին իր աշխատանքում: