Վրաստանում բնակվող կաթոլիկները նշում են Սուրբ Զատիկը։

Տոնի կապակցությամբ Թբիլիսիի Աստվածածնի Վերափոխման կաթոլիկ տաճարում մատուցվել է Սուրբ Զատկական պատարագ։ Ավանդաբար պատարագը մատուցել է եպիսկոպոս Ջուզեպպե Պացոտոն։

Սրբազանը շնորհավորեց հավատացյալներին Սուրբ Զատիկի առթիվ։

«Քրիստոսի Հարությունը ուրախալի է։ Մեր ընտանիքներում, հասարակության մեջ կարող են լինել խնդիրներ, դժվար պահեր, աշխարհում պատերազմներ են, և դրա համար պետք է ասել՝ Քրիստոս հարյավ ի մեռելոց։ Քրիստոսի հարությունը նշանակում է, որ մահը պարտված է, եթե մահը պարտված է, դա մեզ համար վերջին խոսքը չէ: Քրիստոս հարություն առավ, նշանակում է, որ մենք միշտ պետք է հույս ունենանք մեր սրտերում, և այս հույսը հայտնվում է այն պատճառով, որ Քրիստոսը հարություն առավ: Ուզում եմ շնորհավորել կաթոլիկներին, բողոքականներին, հայերին, ովքեր այսօր նշում են, ինչպես նաև նրանց, ովքեր մեկ ամիս անց կնշեն այս մեծ խորհուրդը, քանի որ մենք բոլորս քրիստոնյաներ ենք»,- ասել է եպիսկոպոս Ջուզեպպե Պացոտոն։

Կաթոլիկների համար Քրիստոսի փառահեղ Զատիկի տոնին նախորդել է 40-օրյա պահքը։

Կաթոլիկ եկեղեցին հատուկ պատրաստվում է այս օրվան։ Ավագ շաբաթ օրը լռության օր է։ Հավատացյալները հավատում են, որ շաբաթ գիշերը Քրիստոսը վերադարձավ դժոխքից և հարություն առավ: