Վրաստանում ԱՄՆ-ի դեսպանությունը հայտարարում է, որ Վաշինգտոնում անցկացված հանդիպումներից հետո, որը պետական քարտուղարի օգնականի տեղակալ Ջորջ Կենտի և խորհրդարանի նախագահի տեղակալ Կախա Կախա Կուճավայի գլխավորությամբ անցկացվել է «Վրացական երազանքի» պատվիրակության հետ, պետական դեպարտամենտը տարածել է հայտարարություն: Դեսպանությունը տարածում է «Ժողովրդավարական զարգացումը Վրաստանում» հայտարարության վրացերեն թարգմանությունը.

«Ամերիկայի Միացյալ Նահանգներն աջակցում է անվտանգ, հաջողակ և ժողովրդավար Վրաստանին: Մենք ողջունում ենք դատական բարեփոխման չորրորդ ալիքի առաջընթացը և աջակցում կառավարող կուսակցության և ընդդիմության կուսակցությունների ներկայացուցիչների միջև ընթացող երկխոսությանն ընտրական բարեփոխման մասին: Մենք Վրաստանի կառավարությանը կոչ ենք անում, կայունացնել ժողովրդավարության սկզբունքների, անհատական ազատության և օրենքի գերագույնության նկատմամբ հավատարմությունը՝ քաղաքականապես անաչառ դատարան և դատախազություն ապահովելով: Ամերիկայի Միացյալ Նահանգները կշարունակի աշխատանքն իր ռազմավարական գործընկերոջ, Վրաստանի հետ»,- նշված է Վրաստանում ԱՄՆ-ի դեսպանության պաշտոնական կայքէջում: