Վրաստանին Եվրամիությանն անդամակցության թեկնածու երկրի կարգավիճակ տալու կապակցությամբ Վրաստանում նախատեսվում է հանրային տոնակատարություն
Վրաստանին Եվրամիությանն անդամակցության թեկնածու երկրի կարգավիճակ տալու հետ կապված՝ նախատեսվում է Վրաստանում հանրային տոնակատարություն անցկացնել։
Այս մասին կառավարության այսօրվա նիստում հայտարարել է վարչապետ Իրակլի Ղարիբաշվիլին։
Ինչպես նշել է Ղարիբաշվիլին, դա կլինի վրաց ժողովրդի և կառավարության համատեղ աշխատանքի և պատմական հաղթանակի տոնակատարություն։
«Մենք այսօրվա կառավարության նիստում կհաստատենք ապաօլիգարխացման գործողությունների ծրագիրը։ Այս ծրագիրը 12 առաջնահերթությունների և այժմ ինը քայլերի մաս է կազմում: Մենք պարտավորվել ենք հաստատել դա։ Այսօր՝ ժամը 15:00-ին, տեղի կունենա Եվրամիության հետ ինտեգրման պետական հանձնաժողովի նիստը։ Այս հարցերը մենք քննարկել ենք մեր խորհրդարանի հետ, իսկ մինչ այդ քննարկել ենք նաեւ կուսակցությունում։ Կախված նրանից, թե թեկնածուի կարգավիճակի հետ կապված երբ որոշում կկայացվի, դեկտեմբերի 14-ին կամ 15-ին մենք ցանկանում ենք համաժողովրդական տոնախմբություն անել և միասին նշել այս պատմական հաղթանակը՝ մեր երկրի ու ժողովրդի, մեր կառավարության աշխատանքի արդյունքը»,- ասաց վարչապետը։