Վրաստանից Թուրքիայի Հանրապետություն նրանց իրավապահ մարմինները արտահանձնել են Ինտերպոլի կարմիր շրջաբերականով հետախուզվողին դիտավորյալ սպանության համար մեղադրվողին։

Վրաստանի դատախազության տվյալներով՝ նշված անձը հետախուզվում էր 2022 թվականի սեպտեմբերի 8-ին Ստամբուլ քաղաքում տեղի ունեցած դիտավորյալ սպանության համար։ Հետաքննությամբ, մասնավորապես, պարզվել է, որ հետախուզվողի կողմից կատարված դիտավորյալ սպանությունը կապված է զինված հանցավոր կազմակերպությունների միջև կոնֆլիկտի հետ։

«2022 թվականի հոկտեմբերի 12-ին Վրաստանի ՆԳՆ աշխատակիցները ձերբակալել են Թուրքիայի Հանրապետության իրավապահ մարմինների կողմից արտահանձնման նպատակով հետախուզվող անձի։

Վրաստանի գլխավոր դատախազության միջնորդության հիման վրա 2023 թվականի փետրվարի 15-ին նշված անձի արտահանձնումը Թուրքիայի Հանրապետություն վրացական դատարանների կողմից թույլատրելի է ճանաչվել։ Ավելի ուշ Վրաստանի արդարադատության նախարարը վերոնշյալ անձի արտահանձնման վերաբերյալ վերջնական որոշում է կայացրել, որից հետո հետախուզվողը Հատուկ քրեակատարողական ծառայության աշխատակիցները հանձնել են թուրք գործընկերներին։

Վրաստանի դատախազությունը պատրաստակամություն է հայտնում ապագայում հաջողությամբ համագործակցել գործընկեր երկրների իրավասու մարմինների հետ՝ հետախուզման մեջ գտնվող անձանց պատասխանատվության ենթարկելու նպատակով»,- հայտնել են Վրաստանի դատախազությունից։