Վրաստանի խորհրդարանում մեկ րոպե լռությամբ հարգել են Մեծ Բրիտանիայի և Հյուսիսային Իռլանդիայի Միացյալ Թագավորության թագուհի Եղիսաբեթ II-ի հիշատակը։

«Մեծ Բրիտանիայի և Հյուսիսային Իռլանդիայի Միացյալ Թագավորության թագուհի Եղիսաբեթ 2-րդը երեկ մահացել է 96 տարեկան հասակում։ Ցավակցում եմ թագավորական ընտանիքին և Միացյալ Թագավորության ժողովրդին։ Ավելի քան 70 տարի Եղիսաբեթ 2-րդ թագուհին արժանապատվորեն կրել է թագավորական բարձրագույն տիտղոսը և խելամտությամբ ու խոհեմությամբ ղեկավարել Միացյալ Թագավորությունը դժվար ժամանակաշրջանում: Նա ազատատենչ ժողովուրդների, այդ թվում՝ Վրաստանի, մեր մշակույթի ու ժողովրդի բարեկամն ու համախոհն էր։ Սա մեծ կորուստ է ոչ միայն բրիտանացիների, այլև համաշխարհային հանրության ու Վրաստանի համար։ Համոզված եմ, որ նրա անունն ու ժառանգությունը դեռ երկար կմնան պատմության և գալիք սերունդների հիշողության մեջ։ Խնդրում եմ մեկ րոպե լռությամբ հարգել այս պատմական անձի հիշատակը», – ասել է Վրաստանի խորհրդարանի նախագահ Շալվա Պապուաշվիլին խորհրդարանի լիագումար նիստում։

Եղիսաբեթ II-ը մահացել է 96 տարեկան հասակում Շոտլանդիայում սեպտեմբերի 8-ին։