Վրաստանի խորհրդարանում այսօր քննարկելու են կառավարության կազմին և կառավարական ծրագրին վստահություն հայտնելու հարցը
Խորհրդարանի նիստին այսօր քննարկելու են Վրաստանի կառավարության կազմին և կառավարական ծրագրին վստահություն հայտնելու հարցը: Լիագումար նիստը մեկնարկելու է 12:00-ին:
«Լիագումար նիստն անցկացվելու է հետևյալ գործընթացներով. Սկզբում, խորհրդարանին դիմելու է վարչապետը և այնուհետև կլինի նրան հարցեր ուղղելու հնարավորություն: Դրանից հետո, վարչապետը պատասխանելու է հարցերին և խորհրդարանի անդամները կունենան հարցերը ճշտելու հնարավորություն:
Դրանից հետո կսկսվեն խորհրդարանի անդամների ելույթները, դաշինքների ելույթները, փոքրամասնություն, մեծամասնություն և այդ գործընթացը կավարտվի վարչապետի եզրափակիչ խոսքով, որից հետո կանցկացվի քվեարկություն: Խորհրդարանը քվեարկելու է վստահություն հայտնելու հարցին: Որպեսզի կառավարության նոր կազմը ստանա վստահություն, անհրաժեշտ է խորհրդարանի մեծամասնության աջակցությունը: Դրանով կավարտվի նոր կառավարությանը վստահություն հայտնելու գործընթացը»,- հայտարարել է գործընթացային հարցերի և կանոնների կոմիտեի նախագահ Գիորգի Կախիանին:
Վրաստանի խորհրդարանում երեկ լսել են կառավարության անդամ դառնալու թեկնածուներին:
Հինգ կոմիտեների, մասնավորապես մարդու իրավունքների պաշտպանության և քաղաքացիական ինտեգրման, պաշտպանության և անվտանգության, իրավական հարցերով, գործընթացային հարցերի և կանոնների կոմիտեները լսել են արդարադատության, ներքին գործերի, պաշտպանության գործող նախարարներին, ինչպես նաև հաշտեցման և քաղաքացիական հավասարության հարցերով գործող պետական նախարարներին:
Ագրարային հարցերով, բնապահպանության և բնական ռեսուրսների, բնագավառային էկոնոմիկայի և տնտեսական քաղաքականության, տարածաշրջանային քաղաքականության և ինքնակառավարման, ինչպես նաև ֆինանսական-բյուջետային կոմիտեների միավորված նիստին լսել են տարածաշրջանային զարգացման և ենթակառուցվածքի, բնապահպանության և գյուղատնտեսության գործող նախարարներին, ինչպես նաև էկոնոմիկայի և կայուն զարգացման նախարարի թեկնածուներին:
Կրթության, գիտության և մշակույթի, սպորտի և երիտասարդության գործերով, առղջապահության և սոցիալական հարցերով կոմիտեները լսել են կրթության, գիտության, մշակույթի և սպորտի նախարարի թեկնածուին, ինչպես նաև բռնազավթված տարածքներից փախսականների, աշխատանքի, առողջության և սոցիալական պաշտպանության գործող նախարարին:
Սփյուռքի և կովկասի հարցերով, եվրոպայի հետ ինտեգրման, արտաքին հարաբերությունների կոմիտեները լսել են արտաքին գործերի գործող նախարարին:
