Թարմացվել է Վրաստանի խորհրդարանի www.parlament.ge կայքէջը: Ըստ խորհրդարանի մամուլի ծառայության, նոր կայքէջը ստեղծվել է բաց կառավարման մշտական ​​խորհրդարանական խորհրդի պարտականությունների շրջանակներում:

Նոր կայքէջը լիագումար նիստին ներկայացրել է խորհրդարանի խոսնակ Կախա Կուճավան:

«Կարևոր լուրերը վաղուց էին պլանավորված: Կայքէջը կբարձրացնի յուրաքանչյուր քաղաքացու մասնակցությունը խորհրդարանական կյանքում և կապահովի էլ ավելի ներգրավվածություն», – ասաց Կախա Կուճավան՝ լիագումար նիստին:

Ըստ նրա, նորացված կայքէջը լիովին պատասխանում է ժամանակակից մարտահրավերներին, շատ ավելի ինտերակտիվ, տեղեկատվական և ճկուն է: Կախա Կուճավան նշել է նաև, որ կայքը հարմարեցված է կույր և թույլ տեսողություն ունեցողների կարիքներին:

Նոր կայքէջը մշակվել է Ամերիկայի Միացյալ Նահանգների Միջազգային զարգացման գործակալության / Ժողովրդավարական կառավարման նախաձեռնության (USAID / GGI) ֆինանսական աջակցությամբ, «Leavingstone»-ի կողմից և խորհրդարանի ապարատի ներգրավմամբ:

Վրաստանի խորհրդարանի կայքէջում ակտիվացվել են երկու նոր տիրույթներ՝ www.parlamenti.ge և վրացական տիրույթ՝ Պառլամենտի.գե (პარლამენტი.გე):

Նոր կայքէջը մեկ ամիս կաշխատի փորձնական ռեժիմում: