Վրաստանի խորհրդարանի նիստը բացվել է Ուկրաինայի օրհներգով։ Լիագումար նիստից առաջ պատգամավորները մեկ րոպե լռությամբ հարգել են ռուսական ագրեսիայի ժամանակ զոհվածների հիշատակը՝ Ուկրաինայի օրհներգի ֆոնին։

Ինչպես հայտարարել է խորհրդարանի նախագահ Շալվա Պապուաշվիլին, արդեն մի քանի օր է՝ ականատես ենք ուկրաինացի ժողովրդի պայքարին՝ հանուն իր երկրի, ազատության և անկախության։

«Մեզ՝ վրացիներիս, այս կռիվը խորթ չէ, և մենք շատ լավ գիտենք, թե ինչ են զգում մեր ուկրաինացի քույրերն ու եղբայրները այս դժվար օրերին։ Պայքարը, հատկապես ազատության համար պայքարը միշտ բերում է զոհերի, այդ թվում՝ խաղաղ բնակչության շրջանում, ինչը ամենամեծ սարսափն է նույնիսկ պատերազմի ժամանակ։ Ուստի, նիստից առաջ խնդրում եմ Ուկրաինայի օրհներգի ֆոնին մեկ րոպե լռությամբ հարգել զոհերի հիշատակը»,- ​​ասել է Շալվա Պապուաշվիլին։