Վրաստանի խորհրդարանական պատվիրակությունը՝ պաշտպանության և անվտանգության հանձնաժողովի նախագահ Իրակլի Բերաիայի գլխավորությամբ, այցելել է Բուխարեստի Եվրատլանտյան պաշտպանության կենտրոն։ Հանդիպմանը կողմերը քննարկել են տարածաշրջանում անվտանգության իրավիճակը, սպառնալիքներն ու մարտահրավերները, իսկ ի պատասխան դրանց՝ Սևծովյան տարածաշրջանում դիմակայունության ամրապնդմանն ուղղված հետագա քայլերը։

Վրացական պատվիրակությունը տեղում ծանոթացել է կենտրոնի խնդիրներին ու գործունեության առաջնահերթ ոլորտներին։ Հանդիպմանն ընդգծվել է կայունության եվրատլանտյան կենտրոնի, խորհրդարանի պաշտպանության և անվտանգության հանձնաժողովի և Վրաստանի համապատասխան գերատեսչությունների միջև համագործակցության կարևորությունը։

Իրակլի Բերաիան կենտրոնի ղեկավարին հրավիրել է Վրաստան։

Վրացական կողմից հանդիպմանը ներկա էին խորհրդարանի պաշտպանության և անվտանգության հանձնաժողովի փոխնախագահ Վլադիմիր Չաչիբայան, արտաքին հարաբերությունների հանձնաժողովի փոխնախագահ Դավիթ Զիլֆիմիանին, Ռումինիայում Վրաստանի արտակարգ և լիազոր դեսպան Նիկոլոզ Նիկոլոզիշվիլին, պաշտպանական կցորդ, գնդապետ Զուրաբ Խուրոշվիլին։ Հանդիպմանը մասնակցել է դեսպանատան խորհրդական Էկատերինե Դուգլաձեն։

Տեղեկությունը տարածում է Վրաստանի խորհրդարանի մամուլի ծառայությունը։