Վրաստանի խորհրդարանական պատվիրակությունը դեմ առ դեմ հանդիպումներ է անցկացնում Աթենքում Եվրոպայի խորհրդի անդամ երկրների խորհրդարանների նախագահների համաժողովի շրջանակներում:

Կախա Կուճավան արդեն հանդիպել է իր շվեյցարացի գործընկերոջ՝ Շվեյցարիայի ազգային խորհրդի նախագահ Անդրեա Աեբիի հետ: Երկու երկրների համագործակցությունից բացի, կողմերը քննարկել են Վրաստան-Ռուսաստան հարաբերությունների հետ կապված խնդիրները:

«Ես վերջին անգամ հանդիպել եմ ձեր խորհրդարանի նախագահի հետ Վիեննայում: Մենք շատ լավ հարաբերություններ ունենք: Զրուցեցինք Շվեյցարիան ու Վրաստանը կապող տարբեր հարցերի շուրջ: Մենք Վրաստանի և Ռուսաստանի միջև ունենք շատ կարևոր իրավիճակ, մենք միջնորդում ենք, և դա էր զրույցի թեման: Մենք բաց ենք խորհրդարանական տեսակետից համագործակցության և աջակցության համար։ Մենք բաց ենք զբոսաշրջության ոլորտում ձեզ օգնելու համար: Մենք գիտենք ամբողջ աշխարհում իրավիճակը «Կովիդ» հիվանդության պատճառով: Շվեյցարիայից շատ զբոսաշրջիկներ են գալիս Վրաստան: Շատ ուրախ ենք, որ Վրաստանը բաց է նրանց համար: Դա նաև շատ կարևոր է Վրաստանի համար, ունենալ շատ զբոսաշրջիկներ», – ասել է Անդրեա Աեբին: