Վրաստանի խորհրդարանական պատվիրակությունը աջակցել է Թինի Քոքսին Եվրոպայի խորհրդի խորհրդարանական վեհաժողովի նախագահի պաշտոնում։

Հարցը քվեարկությունից առաջ մեկնաբանել է «Վրացական երազանք» կուսակցության նախագահ Իրակլի Կոբախիձեն։

Ինչպես հայտարարել է Կոբախիձեն, վրացական պատվիրակությունը չի սատարի այլընտրանքային թեկնածուին և դա կոնկրետ պատճառաբանել է։

«Մենք աջակցում ենք Թինի Քոքսի վերընտրությանը։ Եվրախորհրդում ընդունված պրակտիկա է, երբ քաղաքական կուսակցության քվոտան հատուկ քվոտայով ընտրվելուց հետո օգտագործվում է երկրորդ ժամկետով վերընտրվելու համար: Այս դեպքում ընտրություններ են անցկացվում։ Կա այլընտրանքային թեկնածու, բայց մենք ըստ էության աջակցելու ենք այն պրակտիկայի շարունակությանը, որը հաստատվել է Վեհաժողովում։ Այլընտրանքային թեկնածուն Ուկրաինայի ներկայացուցիչ պարոն Մերեշկոն է, ով մասնակցել է մեզ համար բացարձակապես անընդունելի փոփոխությունների ընդունմանը։ Սա է գործոններից մեկը, որ մենք չենք պաշտպանելու նրա թեկնածությունը։ Մենք պաշտպանելու ենք Թինի Քոքսի թեկնածությունը։ Խոսքը վերաբերում է նախորդ նիստում Սաակաշվիլիի ազգանունը մտցնելու հետ կապված փոփոխությունների մասին, ինչը մեզ համար կտրականապես անընդունելի էր»,- ասել է Կոբախիձեն։

Թինի Քոքսը երկրորդ անգամ ընտրվեց Եվրոպայի խորհրդի խորհրդարանական վեհաժողովի նախագահ։