Վրաստանի վիճակագրություն . Վրաստանում գործազրկության մակարդակը նվազել է 4 տոկոսով. դարձել ՝ 18,1 տոկոս
Վրաստանի վիճակագրական ծառայության տվյալներով՝ Վրաստանում գործազրկության մակարդակը 2022 թվականի II եռամսյակում, նախորդ տարվա համապատասխան ժամանակահատվածի համեմատ, նվազել է 4 տոկոսով . դարձել՝ 18,1 տոկոս։
Վրաստանի վիճակագրության տվյալների համաձայն ՝ 2022 թվականի երկրորդ եռամսյակում, նախորդ տարվա նույն ժամանակաշրջանի համեմատ, աշխատանքի ընդունվածների թիվն աճել է 36. 2 հազարով (4,4%) և դարձել՝ 867,9 հազար , իսկ ինքնազբաղվածների թիվն աճել է 19,4 հազարով. դարձել 5.1% , կազմել 401.2 հազ: Նույն ժամանակահատվածում գործազուրկների թիվը նվազել է 63.0 հազարով (18.3%) և դարձել 281.6 հազար։ 2022 թվականի երկրորդ եռամսյակում, նախորդ եռամսյակի համեմատ, աշխատանքի ընդունվածների թիվն աճել է 50.2 հազար մարդով (6.1%), ինքնազբաղվածների թիվն աճել է 18.9 հազարով (4.9%), իսկ գործազուրկների թիվը նվազել է. 8,1 հազարով (2,8%)։
Բացի այդ, 2022 թվականի երկրորդ եռամսյակում աշխատուժի մասնակցության մակարդակը նախորդ տարվա նույն ժամանակաշրջանի համեմատ աճել է 0,1 տոկոսային կետով և հասել 51,5 տոկոսի, մինչդեռ զբաղվածության մակարդակն աճել է 2.1 տոկոսային կետով և կազմել 42.2 տոկոս։ Քաղաքային բնակավայրերում աշխատուժի մասնակցության մակարդակը նվազել է 1,6 տոկոսային կետով, իսկ գյուղական բնակավայրերում աճել է 2,3 տոկոսային կետով։ Զբաղվածության մակարդակն աճել է ինչպես քաղաքատիպ (0.9 տոկոսային կետով), այնպես էլ գյուղական (3.7 տոկոսային կետով) բնակավայրերում և կազմել 42.8 տոկոս և 41.4 տոկոս։
«2022 թվականի II եռամսյակում վարձու աշխատողների թիվը կազմել է աշխատողների ընդհանուր թվի 68.4 տոկոսը, ինչը 0.1 տոկոսային կետով պակաս է նախորդ տարվա նույն ժամանակահատվածի համեմատ։
2022 թվականի II եռամսյակում գործազրկության մակարդակը ինչպես քաղաքային, այնպես էլ գյուղական բնակավայրերում նախորդ տարվա նույն ժամանակահատվածի համեմատ նվազել է 3.9 տոկոս։
Գործազրկության մակարդակն ավանդաբար ավելի բարձր է տղամարդկանց, քան կանանց շրջանում։ 2022 թվականի II եռամսյակում, նախորդ տարվա նույն ժամանակահատվածի համեմատ, կանանց մոտ նշված ցուցանիշը նվազել է 3.8 տոկոսով , իսկ տղամարդկանց մոտ՝ 4.0 տոկոսով:
Աշխատուժի մասնակցության մակարդակն ավելի բարձր է տղամարդկանց, քան կանանց շրջանում: 2022 թվականի II եռամսյակում կանանց շրջանում նշված ցուցանիշը կազմել է 40,8 տոկոս, իսկ տղամարդկանց մոտ՝ 64,2 տոկոս։ Նախորդ տարվա նույն ժամանակահատվածի համեմատ կանանց շրջանում աշխատուժի մասնակցության մակարդակն աճել է 0,1 տոկոս ,իսկ տղամարդկանց մոտ՝ 0,5 տոկոս:
2022 թվականի երկրորդ եռամսյակում, նախորդ տարվա նույն ժամանակահատվածի համեմատ, զբաղվածության մակարդակն աճել է 1,6 և 2,9 տոկոսներով և՛ կանանց, և՛ տղամարդկանց համար», – կարդում ենք Վրաստանի վիճակագրության տեղեկատվության մեջ:
