Վրաստանի վարչապետը հանդիպել է ԱՄՆ-ի ներդրումային հիմնադրամների ղեկավարներին
Վրաստանի վարչապետ Գիորգի Գախարիան հյուրընկալել է ԱՄՆ-ի ներդրումային հիմնադրամների ղեկավարներին, որոնք Վրաստանում ծանոթանում են ներդրումային հնարավորություններին:
Վարչապետի մամլո ծառայության տեղեկությամբ, խոսքը վերաբերել է երկրում առկա հարմար ներդրումային միջավայրին, բիզնես վարելու պարզության առումով երկրի առաջատար դիրքերին և ներդրումային նախագծերին:
ԱՄՆ-ի առաջատար ներդրումային հիմնադրամների առաջին դեմքերից կազմված պատվիրակությունը գլխավորում է «MizMaa Ventures»-ի համահիմնադիր և գլխավոր գործընկեր Իիզ Էֆլբաումը, որը վարչապետի հետ հանդիպմանը նշել է, որ Վրաստանն ունի իրական հնարավորություն առաջիկայում նորարարական և տեխնոլոգիաների ոլորտում գրանցել շոշափելի արդյունքներ:
Ընդգծվել է նաև Վրաստանի տարանցիկ և լոջիստիկ կենտրոնի վերափոխվելու ներուժը: