Վրաստանի ռեգբիի հավաքականը Թբիլիսիի Ավճալայի մարզադաշտում ռեգբիի Եվրոպայի առաջնության կիսաեզրափակիչում հյուրընկալել էր Ռումինիայի հավաքականին՝ հաղթելով 31:7 հաշվով և մարտի 19-ին եզրափակչում կխաղա Պորտուգալիայի հետ։

Բացի ռեգբիի Եվրոպայի առաջնության եզրափակիչ ուղեգրից, Վրացի ռեգբիստները 16-րդ անգամ նվաճեցին Անթիմոզ Իվերելիի գավաթը, որը խաղացվում է 2002 թվականից վրացական կողմի նախաձեռնությամբ Վրաստանի և Ռումինիայի փոխադարձ հանդիպումներում ( բացառությամբ աշխարհի առաջնության հովանու ներքո անցկացվող հանդիպումների), ռումինացիները այս գավաթը նվաճել են 6 անգամ։

Առաջին խաղակեսում վրացի ռեգբիստները երկու փորձ կատարեցին (Մերաբ Շարիքաձե, Սանդրո Թոդուա), որոնք երկու անգամն էլ իրացրեց Թեդո Աբժանդաձեն, նա նույնպես խաղի սկզբում մեկ տուգանային վաստակեց, իսկ վրացի ռեգբիստները հաղթեցին խաղակեսը՝ 17:0:

Երկրորդ խաղակեսը Վրաստանի հավաքականը ակտիվ անցկացրեց, խաղակեսի սկզբում տեխնիկական փորձ կատարեցին և առաջ անցան հաշվի մեջ՝ 24:0, ինչին ռումինացիները պատասխանեցին մեկ փորձով և փոխակերպմամբ։

Ի վերջո, Վրաստանի հավաքականը 31:7 հաշվով հաղթեց Ռումինիային և եզրափակչի ուղեգրի հետ մեկտեղ նվաճեց Անթիմոզ Իվերիելիի 16-րդ գավաթը։

Մարտի 4-ին հայտնի դարձավ ռեգբի Եվրոպայի առաջնության եզրափակչի մյուս հավաքականը։ Պորտուգալիայի հավաքականը Լիսաբոնում 27:10 հաշվով հաղթեց Իսպանիային և իրավունք ստացավ խաղալ եզրափակիչում։

Այսպիսով, մարտի 19-ին Իսպանիայի Բադախոս քաղաքում Վրաստանի հավաքականը ռեգբիի Եվրոպայի առաջնության եզրափակիչում կխաղա Պորտուգալիայի հետ։ Հանդիպումը կմեկնարկի Թբիլիսիի ժամանակով 23:00-ին։ Մինչ այդ, ժամը 20:15-ին «Բրոնզե եզրափակչում» միմյանց կհանդիպեն Իսպանիայի և Ռումինիայի հավաքականները։