Վրաստանի պետական անվտանգության ծառայության ղեկավար Անրի Օխանաշվիլին հանդիպել է Վրաստանում Ադրբեջանի Հանրապետության արտակարգ և լիազոր դեսպան Ֆայգ Գուլիևին։ Հանդիպմանը մասնակցել է նաև Պետական անվտանգության ծառայության ղեկավարի առաջին տեղակալ Իրակլի Բերաիան։

Կողմերը քննարկել են Վրաստանի և Ադրբեջանի միջև անվտանգության ոլորտում համագործակցության հիմնական ուղղությունները։

Քննարկվել է նաև տարածաշրջանի անվտանգության իրավիճակը, ինչպես նաև երկու երկրների առջև կանգնած սպառնալիքներն ու մարտահրավերները։

Անրի Օխանաշվիլին և Ֆայիգ Գուլիևը հանդիպման ընթացքում ընդգծել են երկու երկրների անվտանգության ծառայությունների միջև գոյություն ունեցող ամուր համագործակցության կարևորությունը։

Ադրբեջանի դեսպանը շնորհավորել է պետական անվտանգության ծառայության ղեկավարին պաշտոնի ստանձման կապակցությամբ և հաջողություն մաղթել ապագա աշխատանքում։

Տեղեկությունը տարածում է Վրաստանի պետական անվտանգության ծառայությունը։