Վրաստանի պաշտպանության ուժերի գլխավոր շտաբում տեղի է ունեցել լավագույն զինվորականների մրցանակաբաշխություն։

Զինծառայողներին վկայականներ և կրծքանշաններ է հանձնել Վրաստանի պաշտպանության ուժերի հրամանատար, գեներալ-մայոր Գիորգի Մատիաշվիլին։

Նա շնորհակալություն է հայտնել կապիտան Գոչա Պսուտուրին, լեյտենանտ Միխայիլ Կանդելակին, ավագ սերժանտ Սիլավան Ցկրիալաշվիլիին, կրտսեր սերժանտ Գիորգի Ավանաշվիլիին և կապրալ Ռատի Գավարդաշվիլիին իրենց պարտականությունները հավատարիմ կատարելու համար և հաջողություններ մաղթել հայրենիքին ծառայելու համար։

Լավագույն զինծառայողներն ընտրվում են եռամսյակը մեկ անգամ՝ ելնելով տարբեր չափանիշներից՝ ներառյալ կարգապահությունը, ֆիզիկական և մարտական պատրաստվածության մակարդակը, հանձնարարված պարտականությունների կատարման որակը, որոշումներ կայացնելու և թիմային աշխատանքի հմտությունները:

Նախագծի նպատակն է բարձրացնել զինվորականների մոտիվացիան և մարտունակությունը։

Այս մասին հայտնում է ՊՆ մամուլի ծառայությունը։