Վրաստանի պաշտպանության ուժերի հրամանատար-Հայաստանի զինված ուժերի պետ հանդիպում
Հայաստանի Զինված ուժերի գլխավոր շտաբի պետ, գեներալ-մայոր Էդուարդ Ասրյանը Վրաստանում էր։ Հայ գործընկերոջը հյուրընկալել է Վրաստանի պաշտպանության ուժերի հրամանատար, գեներալ-մայոր Գիորգի Մաթիաշվիլին։
Դիմավորման պաշտոնական արարողությանը հաջորդել է հ գործընկերների հանդիպումը։
Վրաստանի պաշտպանության նախարարության մամուլի ծառայությունից հայտնում են, որ հանդիպման ընթացքում կողմերը քննարկել են Վրաստան-Հայաստան դարավոր պատմական բարեկամությունը և բարիդրացիական հարաբերությունները, ինչպես նաև երկկողմ համագործակցության հարցեր։
Նրանց հաղորդմամբ՝ գեներալ-մայոր Գիորգի Մաթիաշվիլին Հայաստանի զինված ուժերի հրամանատարին ներկայացրել է Վրաստանի պաշտպանության բանակում իրականացվող բարեփոխումները։ Անդրադարձել է նաև ռազմական կրթության ոլորտում համագործակցության խորացման հեռանկարներին։
Գլխավոր շտաբում տեղի ունեցած հանդիպմանը ներկա էին Վրաստանի պաշտպանության ուժերի ներկայացուցիչներ և Հայաստանի Հանրապետության պատվիրակության անդամներ։
Երկկողմ հանդիպումից հետո գեներալ-մայոր Էդուարդ Ասրյանը Հերոսների հրապարակում ծաղկեպսակ է խոնարհել Վրաստանի տարածքային ամբողջականության համար զոհված հերոսների հուշակոթողին և հարգանքի տուրք մատուցել մարտական գործողություններում զոհված մարտիկների հիշատակին։
Այցի շրջանակներում Հայաստանի զինված ուժերի պատվիրակության անդամներն այցելել են նաև ՆԱՏՕ-Վրաստան համատեղ ուսումնական և գնահատման կենտրոն (JTEC) և սերժանտների ակադեմիա։