Վրաստանի պաշտպանության նախարարությունը տարածել է հայտարարություն
Վրաստանի պաշտպանության նախարարությունը Դավիթ Խիդաշելիի վերաբերյալ հայտարարություն է տարածել:
Ինչպես նշվում է գործակալության հաղորդագրության մեջ, նախարարությունը, հանրությանը ամբողջական տեղեկատվություն տրամադրելու նպատակով, պարզաբանում է մամուլում տարածված տեղեկությունը՝ ՊՆ-ում պաշտպանության նախարարի խորհրդական Դավիթ Խիդաշելիի աշխատանքի վերաբերյալ։
«2020 թվականից մինչև 2024 թվականի փետրվարի 9-ը Դավիթ Խիդաշելին աշխատել է ՊՆ-ում որպես խորհրդական։ Ներկայիս պաշտպանության նախարարի լիազորությունների կասեցումից հետո, օրենսդրության համաձայն, «Քաղաքացիական ծառայության մասին» Վրաստանի օրենքի 81-րդ հոդվածի 2-րդ կետի համաձայն Դավիթ Խիդաշելիի վարչական պայմանագիրը լուծարվել է և այդ ժամանակվանից նա այլևս չի աշխատում Հ ՊՆ-ում։ Բացի այդ, Դավիթ Խիդաշելին պաշտպանության նախարարությունում աշխատելու ընթացքում պետական գաղտնիքների հասանելիություն չի ունեցել»,- ասված է ՊՆ հայտարարության մեջ։