Վրաստանի պաշտպանության նախարար Ջուանշեր Բուրճուլաձեն ընդունել է Միացյալ Թագավորության արտակարգ և լիազոր դեսպան Մարկ Քլեյթոնին։

Պաշտպանության նախարարությունից հայտնում են, որ կողմերը քննարկել են երկու երկրների բարեկամությունը, որն արտահայտվում է Վրաստանի ինքնիշխանության, տարածքային ամբողջականության և եվրաատլանտյան ձգտումների աջակցությամբ։

Պաշտպանության նախարարը բրիտանացի դիվանագետի հետ հանդիպմանը քննարկել է տարածաշրջանի անվտանգության խնդիրները։ Հանդիպմանը քննարկվել են միջազգային զորավարժություններին վրացական և բրիտանական զորքերի մասնակցությունը, պաշտպանության նախարարության կիբերանվտանգության ոլորտում համագործակցությունը, ՆԱՏՕ-Վրաստան Էական փաթեթի (SNGP) իրագործումը և վրացի զինծառայողների մասնակցությունը Եվրամիության խաղաղապահ առաքելություններին: