2023 թվականը Քութայիսիի միջազգային օդանավակայանի համար պատմական էր իր գոյության ընթացքում, հայտնում է Վրաստանի օդանավակայանների միությունը։

Սեփական զեկույցների համաձայն՝ անցյալ տարի Դավիթ Աղմաշենեբելիի անվան օդանավակայանի ուղևորահոսքը 2022 թվականի համեմատ աճել է 103%-ով և կազմել 1 671 017 ուղևոր (2022 թ.՝ 822 486 ուղևոր)։

«2023 թվականը թռիչքների քանակով ռեկորդային էր Քութայիսիի օդանավակայանի համար։ Քութայիսիի միջազգային օդանավակայանը 2023 թվականի հունվար-դեկտեմբերին սպասարկել է 5040 չվերթ, ինչը 57%-ով ավելի է 2022 թվականի նույն ժամանակահատվածի համեմատ (2022 թվականի հունվար-դեկտեմբեր – 3220 չվերթ):

Ինչ վերաբերում է 2023 թվականի դեկտեմբեր ամսվա տվյալներին, ապա այս ընթացքում Քութայիսիի միջազգային օդանավակայանը սպասարկել է 157 092 ուղևորի։ Ինչը 85%-ով բարձր է 2022 թվականի դեկտեմբերի համեմատ (2022 թվականի դեկտեմբեր – 85008 ուղևոր):

2023 թվականի դեկտեմբերին Քութաիսիի միջազգային օդանավակայանը ընդունել և իրականացրել է 538 չվերթ, ինչը 76%-ով ավելի է 2022 թվականի նույն ժամանակահատվածի համեմատ (2022 թ. դեկտեմբեր – 306 չվերթ):

2023 թվականի դեկտեմբերի 16-ից Քութայիսիի միջազգային օդանավակայանին ավելացվեցին Wizz Air-ի չորրորդ օդանավը և Կոպենհագեն երթուղին, իսկ դեկտեմբերի 19-ից Pegasus Airlines-ը սկսեց գործել օդանավակայանում և թռիչքներ է իրականացնում Ստամբուլ-Քութայիսի-Ստամբուլ ուղղությամբ՝ շաբաթական երեք հաճախականություն»,- նշված է օդանավակայանների միության տեղեկատվության մեջ։

Վրաստանի օդանավակայանների միության տվյալներով՝ այս փուլում Քութայիսիի միջազգային օդանավակայանից գործում են հինգ ավիաընկերություններ։ Թռիչքներ են իրականացվում 20 երկրներում 39 ուղղություններով։