Բաթումիի, Մեստիայի և Ամբրոլաուրիի ուղղությամբ նոյեմբերին կնշանակվի հինգ լրացուցիչ չվերթ։ Վրաստանի օդանավակայանների ասոցիացիայի հաղորդմամբ, համապատասխան որոշումն ընդունվել է Սուրբ Գիորգիի տոնի կապակցությամբ, զբաղվածության բարձր ցուցանիշի հիման վրա։

«Բարձր պահանջարկի պատճառով նոյեմբերի 20-ին Թբիլիսիից Բաթումի և հակառակ ուղղությամբ կիրականացվի ևս մեկ չվերթ, ինչպես նաև Նատախտարի-Մեստիա-Նատախտարի ուղղությամբ։ Իսկ Գիորգոբա տոնի օրը՝ նոյեմբերի 23-ին, մեկ չվերթ կիրականացվի Թբիլիսի-Բաթումի-Թբիլիսի, Նատախտարի-Մեստիա-Նատախտարի և Նատախտարի-Ամբրոլաուրի-Նատախտարի ուղղությամբ։

Հիշեցնենք, որ Թբիլիսի-Բաթումի ուղղությամբ տոմսի արժեքը 125 լարի է, Նատախտարի-Մեստիա՝ 90 լարի, իսկ Նատախտարի-Ամբրոլաուրի ուղղությամբ թռիչքն արժե 50 լարի։ 0-ից 3 տարեկան երեխաների համար չվերթն անվճար է, իսկ 3-ից 12 տարեկան երեխաների համար գործում է 30% զեղչ»,- ասված է հաղորդագրությունում։