Փետրվարի 3-5-ը Իսպանիայի Ժիրոնա քաղաքում կանցկացվի «CONNECT 2025» ամենամյա միջազգային ավիացիոն ֆորումը։ 21-րդ ֆորումին կմասնակցեն 820 պատվիրակներ 62 երկրների 90 ավիաընկերություններից և 190 օդանավակայաններից։ Ավիացիոն ֆորումում Վրաստանը ներկայացնում է Վրաստանի օդանավակայանների ասոցիացիան (UAG):

Վրացական պատվիրակությունը կգլխավորի ընկերության գլխավոր տնօրեն Իրակլի Քարքաշաձեն։ Եռօրյա ֆորումի ընթացքում Օդանավակայանների ասոցիացիան նախատեսել է ավելի քան 20 հանդիպում տարբեր ավիաընկերությունների, գործընկեր օդանավակայանների և ավիացիոն ոլորտի այլ ներկայացուցիչների հետ: Հանդիպումների ընթացքում քննարկվելու են ինչպես Վրաստանի միջազգային օդանավակայանները, այնպես էլ երկրի զբոսաշրջային ներուժը:

«Վրաստանի օդանավակայանների ասոցիացիան ամեն տարի շարունակաբար մասնակցում է ավիացիոն ֆորումներին, քանի որ նման ֆորումները հիմք են դնում նոր ավիաընկերությունների, օդանավակայանների և ավիացիոն խորհրդատվական ընկերությունների հետ համագործակցությանը: «CONNECT 2025»-ի շրջանակում մենք մի շարք հանդիպումներ կանցկացնենք վրացական շուկայի համար ռազմավարական նշանակություն ունեցող ավիաընկերությունների հետ»,- ասել է Իրակլի Քարքաշաձեն:

Համաժողովի շրջանակներում Օդանավակայանների ասոցիացիայի ներկայացուցիչները հանդիպումներ կանցկացնեն ինչպես վրացական ավիաշուկայում գործող ավիաընկերությունների, այնպես էլ հնարավոր գործընկեր ավիաընկերությունների ու օդանավակայանների հետ։

Այս մասին հայտնում է Օդանավակայանների ասոցիացիայի մամուլի ծառայությունը։