Ուզբեկստանի Հանրապետություն կատարած պաշտոնական այցի շրջանակներում Վրաստանի ներքին գործերի նախարար Գեկա Գելաձեն մասնակցել է «Հանրային առողջության և անվտանգության համար թմրանյութերի միջազգային սպառնալիքների դեմ պայքար» խորագրով միջազգային ֆորումին։

Ֆորումը Սամարղանդ քաղաքում տեղի է ունեցել ՄԱԿ-ի թմրանյութերի և հանցագործության դեմ պայքարի գրասենյակի և Ուզբեկստանի Հանրապետության նախագահի վարչակազմի կազմակերպմամբ։

Ֆորումի ընթացքում քննարկվել են թմրանյութերի ապօրինի շրջանառության ոլորտում առկա մարտահրավերներն ու նոր միտումները։ Բացի այդ, հատուկ ուշադրություն է դարձվել այս ոլորտում միջազգային համագործակցության խորացման կարևորությանը։

Միջոցառումը ներառել է բարձր մակարդակի լիագումար նիստ և թեմատիկ քննարկումներ, որոնց մասնակցել են տարբեր երկրների համապատասխան գործակալությունների ղեկավարներ, ոլորտի փորձագետներ և միջազգային և տարածաշրջանային կազմակերպությունների ներկայացուցիչներ, այդ թվում՝ ԵԱՀԿ-ն (OSCE), ՄԱԿ-ի թմրանյութերի և հանցագործության դեմ պայքարի գրասենյակը (UNODC), Առողջապահության համաշխարհային կազմակերպությունը (WHO), Ինտերպոլը, Եվրոպոլի, Համաշխարհային մաքսային կազմակերպությունը (WCO) և Միջազգային թմրամիջոցների վերահսկողության խորհուրդը (UN INCB)։

Տեղեկատվությունը հրապարակել է Վրաստանի ներքին գործերի նախարարությունը։