Վրաստանի նախագահ Սալոմե Զուրաբիշվիլին հայտարարում է, որ Լուգարի լաբորատորիայի գործունեության մասին տարածված քննադատական և վարկաբեկող հայտարարություններն անընդունելի են:

Լաբորատորիայի վրա հարձակումն ընկալվում է որպես կեղծ տեղեկության տարածում, որպես Վրաստանի և նրա ձեռքբերումների վարկաբեկման փորձ:

«Վերջին ժամանակներում Լուգարի լաբորատորիայի գործունեության մասին տարածված քննադատական և վարկաբեկող հայտարարություններն անընդունելի են:

Այսօր համավարակի դեմ պայքարում, ինչպես նաև մինչ այդ Լուգարի կենտրոնի գիտական ձեռքբերումները և նրա մեծագույն նշանակությունը արժանի են մեր գնահատանքին և երախտագիտությանը:

Կենտրոնի փորձը, ամերիկացի գործընկերների հետ բազմամյա համագործակցությունը և մեր առողջապահության համակարգի պատրաստակամությունը պայմանավորել են Վրաստանի հաջողությունը համավարակի դեմ պայքարի առաջին փուլում:

Ուստի, լաբորատորիայի վրա հարձակումը ընկալվում է որպես կեղծ տեղեկության տարածում, որպես Վրաստանի և նրա ձեռքբերումների վարկաբեկման փորձ»,- հայտարարում է Վրաստանի նախագահը: