Վրաստանում ԱՄՆ դեսպանի պարտականությունները կատարող Էլիզաբեթ Ռուդը հայտարարում է, որ Վրաստանի նոր նախաձեռնությունը՝ «Քայլ՝ դեպի ավելի լավ ապագա» կլինի կարևոր և դրական ազդեցություն կունենա խաղաղարար գործընթացների վրա:

Ինչպես հայտարարել է Էլիզաբեթ Ռուդը, ԱՄՆ-ը աջակցում է Վրաստանի ինքնիշխանությանը և տարածքային ամբողջականությանը՝ միջազգայնորեն ճանաչված սահմաններում:

«Մենք աջակցում ենք Վրաստանի նոր նախաձեռնությանը, որպեսզի կայունացնի իր տարածքային ամբողջականությունը: Հավատում ենք, որ այս նախաձեռնությունը, որը նկատի ունի Աբխազիայի և Հարավային Օսեթիայի բնակիչների համար առևտրի հեշտացում և կրթության ուղղությամբ նոր հնարավորություններ, կլինի կարևոր քայլ: Կարծում ենք, այն նոր, դրական ազդեցություն կունենա խաղաղարար գործընթացի վրա»,- հայտարարել է Ռուդը: