Այսօր վրացի մահմեդականները նշում են Ռամադան Բայրամը։ Վրաստանի մուֆթի Ադամ Շանթաձեն տոնական աղոթք է կատարել Բաթումիի կենտրոնական մզկիթում։

Անձրևոտ եղանակի պատճառով ծխականներին չեն կարողացել տեղավորել մզկիթին հարող փողոցում, ինչի պատճառով, ըստ մուֆթիի, հավատացյալները մզկիթում են աղոթքը կատարել։

Աջարիայի կառավարության և Գերագույն խորհրդի նախագահները, ինչպես նաև Բաթումի քաղաքապետը շնորհավորել են հավատացյալներին տոնի կապակցությամբ։

Ռամադան Բայրամը գալիս է մեկամսյա ծանր պահքից հետո: Մեկ ամիս շարունակ հավատացյալ մուսուլմանները հրաժարվում են որևէ սնունդ կամ ջուր ընդունել արևածագից մինչև մայրամուտ:

Բայրամը համարվում է Սատանայի պարտության տոն: Այս օրը հավատացյալները առատ ողորմություն են անում, միմյանց հյուրասիրում տոնական քաղցրավենիքներով, այցելում հարազատներին ու նախնիների գերեզմաններին։