Բասկետբոլի Վրաստանի մինչև 16 տարեկանների հավաքականը հաղթանակով բացեց Ռումինիայի Պիտեշտ քաղաքում Բ դիվիզիոնի Եվրոպայի առաջնությունը։ Նիկա Ցինցաձեի և Լևան Տկեշելաշվիլիի մարզած թիմը խմբային փուլի առաջին խաղում 90:61 հաշվով հաղթել է Բոսնիա-Հերցեգովինային։

Վրացի բասկետբոլիստները հանդիպման ընթացքում ունեին լիակատար առավելություն և հաղթեցին բոլոր քառորդները (25:14, 24:17, 17:16, 24:14):

Վրաստանի հավաքականի կազմում լավագույնը Ավթանդիլ Բախտաձեն էր, ով վաստակեց 22 միավոր և 6 անդրադարձ կատարեց։ Հաղթանակում զգալի ներդրում ունեցավ Գիորգի Ցագարեիշվիլին, ով իր ակտիվում գրանցեց 15 միավոր, 4 անդրադարձ կատարեց և կատարեց 3 արդյունավետ փոխանցում։ 10-10 միավորով իրենց թիմին օգնեցին Նիկոլոզ Կոբաիձեն և Գիորգի Նիկոլաևը։

Բացի Բոսնիայից ու Վրաստանից, խմբում են նաև Ռումինիայի, Իսլանդիայի և Ավստրիայի մինչև 16 տարեկանների հավաքականները։ Վրաստանի ազգային հավաքականն այսօր՝ ժամը 20:00-ին, հերթական հանդիպումն է անցկացնելու տանտեր Ռումինիայի հետ։ Հաղթանակի դեպքում Ցինցաձեի ու Տկեշելաշվիլիի թիմը մեծ քայլ կանի դեպի հաջորդ փուլ։