Վրաստանի կրթության, գիտության և երիտասարդության նախարարության և Թուրքիայի Հանրապետության երիտասարդության և սպորտի նախարարության միջև ստորագրվել է համագործակցության հուշագիր, որի հիմնական նպատակն է իրականացնել համատեղ նախաձեռնություններ՝ երիտասարդական ոլորտում գործընկերության ամրապնդման համար։

Վրաստանի կրթության նախարարության տվյալներով՝ փաստաթուղթը ստորագրել են Վրաստանի կրթության նախարար Գիվի Միկանաձեն և Թուրքիայի երիտասարդության և սպորտի նախարար Օսման Աշկին Բաքինը։

Գիվի Միկանաձեի խոսքով՝ կառուցվածքային երկխոսության, համատեղ նախաձեռնությունների և ռազմավարական պլանավորման միջոցով նոր համագործակցությունը ևս մեկ քայլ է առաջ՝ Վրաստանի և Թուրքիայի միջև երկարատև գործընկերության խորացման առումով։

Իր հերթին, Օսման Աշկին Բաքինը կենտրոնացել է երկու երկրների նախարարությունների միջև հաջող գործընկերության վրա և հաստատել վրացական կողմի պատրաստակամությունը՝ մշակելու համատեղ երիտասարդական ծրագրեր։

Կրթության նախարարության տվյալներով՝ հուշագրի հիմնական ուղղությունը Վրաստանի և Թուրքիայի երիտասարդության համար համատեղ նախագծերի իրականացումն է, այդ թվում՝ երիտասարդական ճամբարների, ֆորումների, կոնֆերանսների, սեմինարների, ուսումնական այցելությունների և այլ կարևոր միջոցառումների կազմակերպումը, ինչը, իր հերթին, կնպաստի երիտասարդության զարգացման ուղղությամբ երկկողմ համագործակցության ամրապնդմանը։